Nuk ka ndonjë përkufizim të qartë se kur fillon dhe mbaron një pandemi.

“Është një verdikt disi subjektiv sepse nuk ka të bëjë vetëm me numrin e rasteve. Ka të bëjë me seriozitetin dhe ndikimin,” tha Dr. Michael Ryan, shefi i urgjencës i Organizatës Botërore të Shëndetësisë, transmeton portal arbresh.info

Në janar të vitit 2020, OBSH deklaroi se koronavirusi është një krizë globale, ndërsa disa muaj më vonë, e përshkroi epideminë si një “pandemi”, duke vënë në dukje faktin se virusi ishte përhapur pothuajse në të gjitha kontinentet dhe shumë zyrtarë të tjerë shëndetësorë thanë se mund të përshkruhet si i tillë.

Pandemia mund të konsiderohet kryesisht e përfunduar kur OBSH vendos që virusi nuk është më një emergjencë me rëndësi ndërkombëtare, një shenjë që komiteti i saj i ekspertëve e rivlerëson çdo tre muaj. Por nëse fazat më akute të krizës ulen, ato mund të ndryshojnë nga vendi në vend.

“Nuk do të ndodhë që një ditë dikush të zgjohet dhe të thotë, pandemia ka mbaruar”, thotë Dr. Chris Woods, një ekspert i sëmundjeve infektive në Universitetin Duke. Megjithëse nuk ka kritere të pranuara botërisht, ai tha se vendet ka të ngjarë të kërkojnë një reduktim të vazhdueshëm të rasteve me kalimin e kohës.

Shkencëtarët presion që koronavirusi të bëhet virus i parashikueshëm, sikurse gripi, që do të thotë se mund të shkaktojë një epidemi sezonale, por jo edhe kërcenime të mëdha sikurse bën aktualisht.
Por edhe atëherë, shkencëtarët thonë se mbajtja e maskave mund të vazhdojë.

“Edhe pasi të jetë shpallur përfundimi i pandemisë, Covid do të jetë ende me ne”, tha ai./arbresh.info/